Noddwyr Corfforaethol

Mae Physical Empowerment CIC yn Gwmni Buddiant Cymunedol h.y. nid er elw. Ein nod yw cynnig ein hyfforddiant, am ddim, i'r bobl sydd ei angen fwyaf.

Ni allem wneud hyn heb gefnogaeth anhygoel ein noddwyr. Gweler rhestr o'n noddwyr isod. Rydym mor, mor ddiolchgar i bob un ohonoch! Rydyn ni’n gobeithio eich bod chi’n gwybod eich bod yn gwneud gwahaniaeth gwirioneddol i'n haelodau, sy'n gweithio gyda ni i wella o effeithiau trawma a ddioddefwyd trwy gam-drin domestig, treisio a thrais rhywiol.

Bydd menywod sydd wedi goroesi cam-drin domestig a thrais rhywiol yn fwy hyderus, yn fwy medrus ac yn gallu rhyngweithio â'r cymunedau y maen nhw’n byw ynddyn nhw. Bydd ganddyn nhw’r wybodaeth ymarferol i'w cadw'n ddiogel (emosiynol, meddyliol a chorfforol). Dyma'r effaith ehangach, hirdymor yr ydym yn credu y bydd ein sefydliad yn ei chyflawni.

Dod yn Noddwr

CORFFOROL • EMOSIYNOL • MEDDYLIOL

Ein Noddwyr

Os oes gennych ddiddordeb mewn dod yn noddwr corfforaethol i Physical Empowerment CIC, cysylltwch â ni.

Yn gyfnewid am nawdd rheolaidd, rydym yn cynnig gweithdy blynyddol i'ch staff a'ch gwirfoddolwyr.

Our Sponsors

Mae'r angen am ein cyrsiau yn amlwg, ac mae'n cael ei ddangos yn y nifer cynyddol o gyrsiau rydyn ni'n eu cynnig. Ar hyn o bryd rydyn ni'n gweithio ar brosiectau ledled Gorllewin Cymru ac yn Crawley, Sussex, ond dim ond hyn a hyn o ardaloedd y gallwn ni eu cwmpasu heb gyllid ychwanegol. Er ein bod ni'n teimlo'n ffodus iawn ac yn ddiolchgar i'n holl noddwyr presennol, mae'n frwydr barhaus i gael mwy o gyllid. Po fwyaf o bobl rydyn ni'n eu helpu, y mwyaf rydyn ni'n gweld faint mae'n newid bywydau a chymaint mwy y gellid eu helpu.

Nodau Physical Empowerment CIC yw:

Helpu pobl i ailintegreiddio i gymdeithas drwy eu helpu i rymuso eu hunain.
Rhoi cyfleoedd i bobl fod y fersiwn gorau posibl ohonyn nhw eu hunain.
Hyrwyddo cydweithio rhwng dynion a menywon i roi terfyn ar drais.
Creu ymwybyddiaeth ehangach o ddefnyddio hunanamddiffyn fel ffordd o adfer wedi trawma.

Os gallwch chi helpu gyda chyllid neu roddion, cysylltwch heddiw os gwelwch yn dda. Mae pob noddwr, ni waeth beth yw'r swm, wir yn newid bywydau. Gweler Adborth ein Haelodau ac Astudiaethau Achos am rai enghreifftiau o faint mae wedi helpu aelodau ein cwrs.