Amdanom ni

Wedi'i sefydlu yn 2021, mae Physical Empowerment CIC yn cynnig cyfle i bobl brofi grym gweithio trwy drawma corfforol a meddyliol gyda'i gilydd. Rydym yn cynnig model hyfforddi cynhwysfawr, sy'n cwmpasu sgiliau hunanamddiffyn corfforol, gwydnwch emosiynol, brwydro meddyliol a greddfau goroesi. Rydym yn Gwmni Buddiant Cymunedol h.y. nid er elw. Ein nod yw cynnig ein hyfforddiant, am ddim, i'r bobl sydd ei angen fwyaf.

​

Gall trawma corfforol, o unrhyw fath, adael argraff barhaol yng nghalonnau a meddyliau'r bobl sy'n ei brofi. Corfforol, emosiynol, meddyliol. Tri chornel triongl; mae eu hangen nhw i gyd er mwyn meithrin hyder ynoch chi'ch hun ac yn eich presenoldeb corfforol eich hun. Mae cyrsiau hunanamddiffyn traddodiadol yn tueddu i ganolbwyntio ar yr agwedd gorfforol ond er mwyn goresgyn gorffennol trawmatig mae angen dull mwy cyfannol.

​

Mae fwy neu lai pob cwrs ac adnodd a gynigir i bobl sydd wedi goroesi trawma corfforol yn canolbwyntio ar feithrin a grymuso hyder meddyliol ac emosiynol ond ychydig iawn o sefydliadau yn y DU sy'n cynnig cyfle i oroeswyr trawma corfforol ddod i gysylltiad â'u corff a'u cryfder mewnol eu hunain trwy hyfforddiant corfforol.

​

Rydyn ni’n ymwybodol iawn o’r angen am gymorth hirdymor a bob tro rydyn ni’n cynnal cwrs neu weithdy cychwynnol, rydyn ni’n gwneud yn siŵr bod darpariaeth yn ei lle i gynnal sesiynau cyson yn yr ardal leol wedi hynny. Unwaith y bydd rhywun wedi mynychu un o’n cyrsiau, rydyn ni’n gobeithio y byddan nhw’n dysgu arferion y byddan nhw’n eu defnyddio o ddydd i ddydd.

​

Mae gan bob person yr hawl i allu dal ei ben yn uchel, edrych yn y drych a dweud, “Dw i’n dy hoffi di” neu o leiaf allu gwenu ar ei hun. Mae Physical Empowerment CIC eisiau eich helpu chi i wneud hyn drwy ddod i adnabod eich corff a gwir ddeall y cryfder a’r grym corfforol sydd gennych y tu mewn i chi.